A sétima edición dos Premios Mil Primaveras recoñeceu catro novos proxectos de normalización lingüística: As chaves da lingua (un proxecto didáctico e divulgativo para mellorar a calidade lingüística), Comando Le: grupo de activismo cultural de Espazo Lectura (unha iniciativa dirixida á adolescencia para crear un espazo de lecer en galego), O Dépor é da Coruña (unha campaña que parte da mocidade para acadar un cambio simbólico na cidade herculina) e Revolta Galega (un programa de dinamización lingüística integral para o CPI As Revoltas de Cabana de Bergantiños).

O pasado sábado, ás 23.59 h, finalizou o prazo para presentar proxectos, campañas, accións ou programas de normalización lingüística á sétima edición dos Premios Mil Primaveras a proxectos de posta en valor e fomento do galego. Inscribíronse un total de 24 candidaturas.

Os VII Premios Mil Primaveras a proxectos de posta en valor e fomento do galego inician o 8 de outubro o prazo de inscrición de proxectos, que estará aberto durante case catro meses. Esta iniciativa busca recoñecer e proxectar o traballo ben feito no ámbito da normalización lingüística, valorar e difundir proxectos positivos e seleccionar boas prácticas que poden servir como modelos.