28/mai/2019
A Fundación Lois Peña Novo deu a coñecer as persoas que se recoñecerán este ano na vixésimo quinta edición dos Premios Lois Peña Novo: Manuel Bermejo Patiño, profesor emérito da USC, Paz Filgueira Paz, maxistrada, e Carlos Salgado López, profesor da USC.
20/mai/2019
O pasado 17 de maio finalizou o prazo para presentar proxectos, campañas, accións ou programas de normalización lingüística aos Premios Mil Primaveras a proxectos de posta en valor e fomento do galego. Tras o período de inscricións recibíronse un total de 47 candidaturas de servizos de normalización lingüística, equipos de normalización e dinamización da lingua, asociacións e entidades privadas.
01/abr/2019
Desde a Coordinadora de Traballadores/as de Normalización da Lingua creamos e convocamos os Premios Mil Primaveras a proxectos de posta en valor e fomento do galego co obxectivo de recoñecer e proxectar o traballo ben feito no ámbito da normalización lingüística, valorar e difundir proxectos positivos e seleccionar boas prácticas que poden servir como modelos.
14/mar/2019
A Deputación da Coruña publicou no BOP de hoxe a convocatoria da décima edición do premio “Rosalía de Castro” de Lingua. O obxectivo xeral deste galardón é recoñecer a promoción e dignificación desinteresada do noso patrimonio lingüístico. O prazo para presentar candidaturas finaliza o 30 de maio.
12/feb/2019
O xurado do II Premio Luís Porteiro Garea á promoción e uso do galego na Universidade de Santiago decidiu concederllo por unanimidade ao profesor emérito Xosé Antón Gómez Segade, catedrático de Dereito Mercantil da USC.
20/dec/2018
As empresas Biosbardos, Xestiago e Asesoría Xeral Galega, SL, foron as premiadas co I Premio Lingua e Empresa Concello de Ames.
17/dec/2018
As empresas Leite Noso e Construcións Alvite González foron as galardoadas cos XIX Premios Manuel Beiras. Así mesmo, o xurado dos premios concedeu a distinción especial do Premio Manuel Beiras a Evaristo Rodríguez Carracedo, exvicepresidente da Cámara de Comercio de Santiago de Compostela
16/nov/2018
A Cámara de Comercio de Compostela e mais o Concello de Santiago de Compostela convocaron a décimo novena edición dos Premios Manuel Beiras ao uso do galego na empresa, cuxa finalidade é recoñecer o compromiso coa normalización lingüística no sector empresarial compostelán.
13/nov/2018
A Asociación Cultural O Bardo e o Concello da Estrada concederon a vixésimo oitava edición dos seus premios de normalización lingüística ao escritor Manuel Pereira Valcárcel, na modalidade A Estrada e Comarca de Tabeirós-Terra de Montes, a Uxía, na modalidade Galicia Enteira, e ao profesor Xosé María Lema Suárez, na modalidade de Toda unha vida. O acto de entrega tivo lugar hoxe no Teatro Principal da Estrada.
09/nov/2018
O Concello de Ames, a través do Servizo de Normalización Lingüística e do Departamento de Promoción Económica, crea o Premio Lingua e Empresa Concello de Ames. A través deste premio búscase recoñecer publicamente a contribución ao aumento e á mellora do uso social do galego no ámbito empresarial, así como promover o uso da lingua galega na actividade económica do Concello de Ames.